| The Dinosaur |
 | THE DINOSAUR by Sheena Blackhall You’ve probably never seen the likes o poet Sheena Blackhall’s Dinosaur afore. But dinnae worry. Actor and dinosaur expert Ewan Miller will tell you all about the awfie things this fearsome dino gets up to.  The Dinosaur - the poem |   |
| THE DINOSAUR by Sheena Blackhall A dinosaur! A dinosaur! We niver saw the like afore! The beastie maks the bairnies roar fae Sumburgh tae Singapore! A dinosaur! His muckle moo has teeth as lang as knives An fin he roars, the tabby losses as its seven lives! A dinosaur! His ilkie snore caas continents ajee. An fin he piddles, lochs arise as braid's the Irish sea. A dinosaur! Fit dis he ett? A herd o coos for tea! He sweels it doon wi a lagoon o vats o barley bree. A dinosaur! His heid's amang the aeroplanes an stars. His legs are pylons, tail's as lang's a traffic jam o cars. A dinosaur's a fearsome breet fin it lies doon tae claw, Bit fin it daunces, hae a care skyscrapers stert tae faa! |