Fash
   Funny Scots Poems


FASH
by Shane Strachan

In Shane Strachan’s poem, a fisherman only cares aboot wan thing: fash. Read by actor Jacob Collins.

 




FASH
by Shane Strachan

Ma faither disna fash himsel
wi fit’s fashionable and flash
for hauf his life is spint
oot at sea catchin fash.

Ma faither disna fash himsel
wi showin aff his cash
for he’d seener mak mair siller
oot at sea catchin fash.

Ma faither disna fash himsel
wi gan oot on the lash
for he’d raither be suppin tea
oot at sea catchin fash.

Ma faither disna fash himsel
wi startin a stramash
for he gets plinty peace
oot at sea catchin fash.

As for ma mither…
that’s quite anither…
story aathegither…