Ten Laddies - Scots Hoose Primary

Ten Wee Laddies

TEN WEE LADDIES

by Matthew Fitt

Ten laddies are on a waw. Wan by wan, they’re gonnae faw aff it. Written by Matthew Fitt and sung by actor Michael McHardie.

TEN WEE LADDIES

by Matthew Fitt

Ten wee laddies dreepin aff a waw

And if wan wee laddie should get caught by his maw

There’ll be nine wee laddies dreepin aff a waw

Nine wee laddies dreepin aff a waw

And if wan wee laddie got stuck cause he wis smaw

There’ll be eicht wee laddies dreepin aff a waw

Eicht wee laddies dreepin aff a waw

And if wan wee laddie got tobered by a baw

There’ll be seeven wee laddies dreepin aff a waw

Seeven wee laddies dreepin aff a waw

And if wan wee laddie should split his breeks in twa

There’ll be sax wee laddies dreepin aff a waw

Sax wee laddies dreepin aff a waw

And if wan wee laddie’s troosers burst and aw

There’ll be five wee laddies dreepin aff a waw

Five wee laddies dreepin aff a waw

And if wan wee laddie should flit tae Kelvinhaw

There’ll be fower wee laddies dreepin aff a waw

Fower wee laddies dreepin aff a waw

And if wan wee laddie should faw and brek his jaw

There’ll be three wee laddies dreepin aff a waw

Three wee laddies dreepin aff a waw

And if wan wee laddie wis greetin for his maw

There’ll be twa wee laddies dreepin aff a waw

Twa wee laddies dreepin aff a waw

And if wan wee laddie couldnae dreep at aw

There’ll be wan wee laddie dreepin aff a waw

Wan wee laddie dreepin aff a waw

And if that wee laddie should up and shoot the craw

There’ll be nae wee laddies dreepin aff the waw