The Clype 


THE CLYPE
by Shane Strachan

Naebody likes a tell-tale as we find oot in Shane Strachan’s poem, read by actor Jacob Collins.

  
  AUDIO - The Clype


 
 



THE CLYPE
by Shane Strachan

He sees ye skippin gairdens,
he kens ye’r skiyvin skweel.
He’s filmed ye on his phone
aetin gulsh afore a meal…

He’s caught ye buddin windaes,
chappin doors for chickenelly.
He kens fit ye’v been Googlin
and been waatchin on the telly…

Onytime ye’r being glaikit,
or actin like a gype,
at some piynt ye’ll be clyped on
by that little wee… clype!